حسني لـ"السيسي": تكلم عن نفسك ولا تتحدث عن "الرئيس القادم"
وقال حسني في تدوينة : قال السيسى لرؤساء تحرير الصحف القومية الثلاث إنه كان صريحاً جداً مع الشعب، وإنه قال له إن الأزمة التي تواجهها مصر في كل المجالات أكبر من أي رئيس، لكنها ليست أكبر من الشعب المصري ... هذا صحيح، والراجل عداه العيب لأنه بالفعل قال كده ... أكثر من هذا، فقد قال الرجل للشعب منذ البداية إنه "مستدعَى" وإن أحداً لم يبلغه قبل أن يلبى النداء أن من شروط الاستجابة للاستدعاء وجود أى برنامج!! ... الرجل فى هذا كان أميناً ولم يكذب!!ـ
وأضاف: ولكن ... بهدووووووووووء، وبمنتهى الموضوعية، وبدون زعل، وبمناسبة موسم الامتحانات (ربنا يعديه على خير) ... مش من حق أى حد ما عرفش يحل الامتحان إنه يقول عن الامتحان إن ما حدش يقدر يحله!! ... متهيأ لى كده إن كل رئيس يتكلم عن نفسه، ويسيب الرئيس القادم ... أو الرئيس اللى بعده ... أو اللى بعد اللى بعده ... يتكلم عن نفسه.
وأردف: بالتأكيد احنا متفقين تمام الاتفاق إن ما فيش رئيس ح يشتغل بدل شعبه، لكن تشغيل المصريين صح، عشان مصر تخرج من أزمتها صح، محتاج رئيس له قدرات خاصة ... وكل رئيس وله قدراته، ولا يكلف الله نفساً إلا وسعها!! ... اللى عايز يكمل على كده يكمل، واللى شايف له رأى تانى ياريت يحتفظ بيه لنفسه لأنه واضح إن مستقبل مصر مرهون بقدرات الرئيس مش العكس.
