ياسر نجم يتساءل: ماذا لو كان مرسي صارح الشعب بخيانة "السيسى" والعسكر"؟!

حاول د. ياسر نجم الكاتب الصحفي والمحلل السياسي ، أن يؤكد على معنى هام ، هو  عدم الحكم على الأشياء بتسرع ، فإن الله عز وجل علمنا

أن نتثبت فقال تعالى في محكم التنزيل: "يا أيها الذين أمنوا إن جاءكم فاسق بنبأ فتبينوا" وفي قراءة فتثبتوا،
ومثال صارخ  على ذلك، ما حدث من تسريب لمحاكمة مرسي أمس، وقبل أن نتأكد من المصدر انهالت التصريحات والمساجلات

بالغضب وردة الفعل العنيفة، وكأن البعض منا لا يقرأ كتاب الله ، وإن قرأه لا يتدبر معناه ، والحس

الإعلامي ذهب أدراج الرياح ، فإن الحس الصحفي يؤصل فينا أن نبحث عن الدليل ونبحث فيه جيدا والخبر الصحفي ، وكيف نستقي المعلومات ، ثم نحللها إذا اقتضى الأمر وإليكم تساؤلات د. ياسر:

تخيل لو كان مرسي صارح الشعب وهو في الحكم وعرفه بالآتي:

- ان قيادات الجيش متورطة في قتل المتظاهرين فى ثورة يناير..
- ان المخابرات تواطأت مع الجيش وأخفت الأدلة اللى تثبت تورطه..
- ان الداخلية هي اللي فتحت السجون..
- اننا هانحاكم كل المسئولين عن كشوف العذرية وعارفينهم بالإسم..
- ان الشرطة كانت بتنزل بلطجيتها يعتدوا على المعتصمين..
- ان أمن الدولة كان بيخطف المصابين من الثوار من المستشفيات..
- ان فيه مواطنين كتير الجيش خطفهم وخباهم ولحد دلوقتى مانعرفلهمش طريق..
- ان المواطنين الشرفاء اللى كانوا بيعتدوا على المتظاهرين دول مأجورين من الجيش..
- ان المدرعات بتاعة الجيش تواطأت مع المجرمين في موقعة الجمل..
_____________________________________________
مش كان زمان الشعب وكمان الثوار وقفوا جنبه وحموه وكانت الثورة انتصرت...وماكناش بقينا في

المصيبة اللي احنا فيها دلوقتى...؟؟؟!!!
_____________________________________________
طب ايه رأيك يا يا" حيلتها" ياللى عايش في "مية البطيخ" ان الكلام ده كله أعلن ونشر في جميع وسائل الإعلام

الرسمية بالنص والحرف زى ما هو مكتوب فوق كده...واتنشر ان دى نتايج تقرير لجنة تقصي الحقائق

اللى شكلها مرسي..واتنشر ان النيابة العامة هاتحقق في الجرايم دى وهاتتم محاكمات بناءا على النتايج

دي... ومرسي كان عامل حساب ده من قبلها ومأسس حاجه اسمها (نيابة الثورة) تتخصص فقط في

الجرايم دى (ثوار الغبرة نزلوا ضدها في هوجة الإعلان الدستوري وتم الغاءها بعد الانقلاب اللى حصل

على أكتافهم)...
ها ؟
حصل ايه لما اتنشر الكلام ده ؟
حصلت مذبحة سجن بورسعيد...
حصل حظر التجول اياه بتاع مدن القناة والشعب نزل يتحداه بماتشات الكورة..
حصل حدف الإتحادية بالمولوتوف..
حصل رفض الثوار اياهم الحوار مع مرسي رغم محاولاته العديدة..
حصل هجوم بشع على الفضائيات ضد مرسي..
حصل حصار لمكتب النائب العام اللي المفروض يحقق في الكلام ده ومابقاش عارف يدخل الحمام..
حصل اتحاد من القضاة اللى المفروض هايحكموا بناءا على النتايج دى لإسقاط مرسي..
حصل ان الثوار اياهم نزلوا يهتفوا ضد أخونة الدولة وحكم المرشد..
حصل الهجوم على مقرات الإخوان وحرقها وقتل من فيها...
حصلت تمرد....
حصل انقلاب...

_____________________________
ادي الشعب اللى وقف جنب مرسي لما عرف الحقايق دي..
بس سيبك انت..أهم حاجه ان مرسي قال: عندنا رجالة زى الدهب..
_____________________________
وادى المصادر...وعلى فكرة كلام رسمي من المتحدث باسم رئاسة الجمهورية والمتحدث باسم لجنة تقصي

الحقائق ومتوزع على الصحف كلها في نفس التوقيت...

أهرام 4 يناير 2013
http://digital.ahram.org.eg/articles.aspx

المصري اليوم 1 يناير 2013
http://www.almasryalyoum.com/news/details/268976

الوطن نفس التاريخ
http://www.elwatannews.com/news/details/106561

اليوم السابع نفس التاريخ

الشروق 2 يناير 2013