"المنشقة عن تمرد" تكشف فضائح جديدة .
وقالت في تدوينة: "استكمالًا لشهادتي عن تمرد.. وردًّا على محمد عبد العزيز ومي وهبة أعضاء حملة تمرد.. عبد العزيز بيقسم إنه مقابلش رجالة حسين سالم.. مع أن رد عبد العزيز عليه لما واجهته بالموضوع ده بالنص قاالي: أنا اسمي إيه... قلتله يعني إيه؟ قالي: أنا اسمي محمد عبد العزيز، وأنا اللي أقرر أقابل مين ومقابلش مين.. والكلام ده كان قدام حسن شاهين, ومحمود بدر.. وهيكل أمام البورصة في وسط البلد".
وأضافت: "أما مي وهبة اللي انهارده بتقول على قناة صدا البلد: إنهم راحوا قابلوا رئيس غرفة السياحة علشان يطمنوا على أن يوم 30 مش هيأثر على السياحة.. الكلام ده مش حقيقى خاااااااااااااااااالص؛ لأني لما واجهتها وكنا في ميدان طلعت حرب في حضور محمد نصار وهناء يوسف.. ردت عليا وقالت: فعلًا روحنا وقابلنا رجال أعمال واتفقنا معااهم على أنهم هيبعتولنا حااااوياات فيها حلاوة وجبنة ومربة للاعتصااااام بتاع يوم 30 حتى قلنالهم: إحنا هنجيب العيش", وفقًا لـ"المصريون".
وأردفت: "يعني الأستاذة مي والأستاذ عبد العزيز رجال الأعمال دول حجزولهم طيران رايح جااي علشان الأستاذة والأستاذ يتفقوا على مربة وحلاوة وجبنة... والعيش علينا".
